Ditë më parë, kryetarja e Kuvendit të Kosovës, Vjosa Osmani, edhe zyrtarisht e konfirmoi largimin nga Lidhja Demokratike e Kosovës, pas vendimit që ka marrë Këshilli i Përgjithshëm i kësaj partie që ta largojë kryeparlamentaren nga të gjitha funksionet e partisë, raporton Front Online.
E pas largimit të Vjosa Osmanit nga LDK-ja, u raportua se ajo do ta formojë një parti të re, ku pjesë e saj do të jenë disa deputet të LDK-së, e njëri nga ta edhe Ardian Shala.
Por, deputeti Shala në një prononcim për Front Online, i ka hedhur poshtë këto lajme.
Ai tha se nuk është e vërtet se do të largohet nga LDK-ja për t’u bërë pjesë e partisë së Vjosa Osmanit.
Shala tha se nuk ka pasur diskutime të tilla asnjëherë.
“Jo, nuk është e vërtet më ka ardhur në befasi, unë nuk kam biseduar me askënd dhe nuk e kam pasur temë diskutimi. Nuk kemi pasur takim me Vjosa Osmanin për ta diskutuar këtë çështje”, tha Shala për Front Online.
