Kandidati për deputet nga radhët e PDK-së, Ferat Shala, ka kritikuar ashpër menaxhimin e sektorit të energjisë nga ana e qeverisë Kurti.
Ai ka shkruar se pavarësisht se ka ngritur çështjen e keqmenaxhimit të këtij sektori në Kuvend, qeveria nuk ka marrë masa konkrete për ta trajtuar.
Sipas Shalës, prioritet i vetëm ka qenë përfitimi i tenderëve në KEK dhe pasurimi i zyrtarëve të pushtetit përmes marrëveshjeve energjetike me Serbinë.
“Me dhjetëra herë në Kuvendin e Kosovës kam folur për një menaxhim skandaloz të sektorit të energjisë. Por, kjo qeveri asnjëherë nuk e ka trajtuar këtë me prioritet dhe profesionalizëm. Prioriteti i vetëm kanë qenë tenderët në KEK dhe pasurimi i zyrtarëve të pushtetit përmes pazareve me Serbinë. Kjo qeveri e ka refuzuar gazin amerikan dhe ka zgjedhur të bëjë pazare energjetike me Serbinë. Madje, me paratë e dhëna në këto pazare, sot ne do ta kishim termocentralin e ri. Mbi 560 milionë euro të buxhetit janë dhënë për energji dhe asnjë investim kapital. Prandaj, çdo dimër me këtë qeveri është dimër në terr. Më 9 shkurt, Kosova duhet të marrë drejtim të ri me një ekip që e kthen dritën”, ka shkruar Shala në Facebook.
Shkrimi i plotë:
