Deputeti i Partisë Demokratike të Kosovës (PDK), Ferat Shala është tallur keq me Qeverinë Kurti lidhur me gjendjen aktuale të ndërmarrjes Trepça.
Shala në një postim në Faceborok të shoqëruar me një video ka thënë se kjo qeveria në Trepçë ka angazhuar arkeolog në vend të një gjeologu.
“Kanë angazhuar arkeolog për Trepçën në vend të një gjeologu!!! Atje nuk ka ilirë e dardanë. Botë çudirash nga kjo qeveri gjatë këtij mandati”, ka shkruar ai.
Shala edhe këtë herë do të garojë për një mandat për deputet të Kuvendit të Kosovës. Në zgjedhjet e 9 shkurtit, Shala mban numrin 16 në listën e deputetëve të PDK-së.
