Gjatë interpelancës që po mbahet në Kuvendin e Kosovës, Deputeti i Nismës Social Demokrate, Endrit Shaka ka thënë se mbështetë zotimin e Kryeministrit ndaj detyrimit të marrëveshjes së vitit 2013 dhe marrëveshjen e 2015 dhe me aktvendimin e Gjykatës Kushtetuese, sepse asociacioni është obligim ndërkombëtarë i Kosovës dhe institucioneve të Kosovës.
“Të gjithë ju të secilit subjekt në Republikën e Kosovës, edhe për Nismën Social Demokrate është e qartë asociacioni duhet të bëhet vetëm sipas aktvendimit të Gjykatës Kushtetuese, vetëm si pjesë gjithëpërfshirëse mes Kosovës dhe Serbisë në njohjen reciproke mes dy vendeve, pra asociacioni do të jetë vetëm si pjesë e marrëveshjes mes dy vendeve”, ka thënë Shala gjatë interpelancës.
Ai ka thënë se nuk do të ketë asociacion pa njohje, ose njohje për asociacion, kjo do të bëhet dhe asgjë më pak se kjo.
