Katër vjet më parë, ajo kishte probleme serioze me kordat e zërit dhe vetëm tani ajo ka folur për atë periudhë të vështirë. Dëmtimi serioz i kordave vokale, thotë ajo, e çoi atë në depresion. Për një kohë, ajo nuk mund të fliste, kështu që komunikoi me fëmijët e saj dhe partnerin Gerard Pique duke bërë gjeste. “Asnjëherë nuk kam menduar se, nga të gjitha gjërat, zëri im, i cili është baza e natyrës sime, do të më linte. Ai është identiteti im dhe pamundësia e të kënduarit ishte e padurueshme”, tha Shakira për The Guardian.

Ajo zbuloi se si ndihej kur u depresionua. “Ishte shumë e vështirë të ishe pranë meje, burri im e përjetoi atë më keq se unë. Kishte ditë kur unë as nuk mund të ngrihesha nga shtrati sepse lija depresionin të më mbyste. Fëmijët nuk mund të më shikonin sepse nuk e di se çfarë nuk shkonte me mua. Kjo ndodh”, rrëfeu ajo. Mjekët e këshilluan atë të shkonte për ndërhyrje kirurgjikale, por zëri iu kthye para se të binte nën thikë. Për shkak të problemeve me kordat vokale, asaj iu desh të shtynte turneun “El Dorado” për vitin 2018, kur u shërua plotësisht./FrontOnline/