Divorci i Gerard Piques dhe Shakiras u shndërrua në një telenovelë amerikano-latine, shkruan FrontOnline.

Futbollisti dhe këngëtarja e njohur u ndanë në mesin e vitit të kaluar, por “lufta” mes tyre vazhdon.

Të dyja palët i kanë dhënë “goditje” të forta njëri-tjetrit deri më tani.

Së fundmi, Shakira publikoi një këngë ku brenda ditësh mblodhi mbi 100 milionë shikime.

Në të, Shakira i thotë indirekt Piques se ai e ndërroi “Ferrarin me një Twingo”, por përgjigjja nuk vonoi.

Pique tani ka blerë një “Twingo” për ndeshjet e “King League”, kompeticion që ai e organizon.

Ish-futbollisti i Barcelonës me këtë veprim iu hakmor ish-të dashurës së tij, me të cilën ka dy fëmijë, Sasha dhe Milan./FrontOnline/

🚗 Sí, Piqué ha llegado a la #KingsLeague… ¡en un Twingo! 🤣🤣🤣 pic.twitter.com/XORAFQA3ge

— MARCA (@marca) January 15, 2023