Pak ditë më parë, Kosova dhe SHBA’ja nënshkruajtën marrëveshjen për sigurinë e rrjetit 5G. Lidhur me këtë, gjatë ditës së sotme, ka reaguar edhe Sekretari amerikan i Shtetit, Mike Pompeo.

Në marrëveshjen e rrjetit 5G, përveç Kosovës, pjesë e saj u bënë edhe Maqedonia e Veriut dhe Bullgaria, shtete këto për të cilat Pompeo thotë se do jenë pjesë e rrjetit të pastër.

Nëpërmjet një postimi në llogarinë e tij zyrtare në Twitter ka thënë se pjesë e këtij rrjeti do jenë tanimë edhe 27 vende anëtarë të NATO-s e 25 të Bashkimit Evropian.

“Me marrëveshjen trepalëshe të sigurisë së rrjetit 5G, Bullgaria, Maqedonia e Veriut dhe Kosova i bashkëngjiten rrjetit të pastër. Ky koalicion në rritje i rrjetit të pastër dhe kompanive të pastërta përfshinë po ashtu 27 shtete anëtare të NATO-s, 25 të BE-së, dhe 11 shtete të tri detërave, e njëherësh edhe shumë kompani të populluara nëpër botë”, ka deklaruar Pompeo.

Gjatë vizitës në Maqedoninë e Veriut, javën e kaluar, kryeministri i Kosovës, Avdullah Hoti dhe nënsekretari amerikan i Shtetit për rritjen ekonomike, energjinë dhe mjedisin, Keith Krach, kanë nënshkruar memorandum bashkëpunimi për krijimin e rrjeteve të pastra 5G.

Krach tha se Kosova është partner strategjik shumë i vlefshëm për Amerikën.

With the triple signing of 5G security MOUs, Bulgaria, North Macedonia, and Kosovo have joined the Clean Network. This growing coalition of Clean Countries and Clean Companies also includes 27 NATO, 25 EU, and 11 Three Seas states, as well as many top companies in the world. pic.twitter.com/pcPwbxocrL

— Secretary Pompeo (@SecPompeo) October 27, 2020