Blogerja dhe tani moderatorja më e re, Sarah Berisha ka folur për marrëdhënien e saj me DJ PM-in.
Në një intervistë të fundit për “Prive”, Sarah u shpreh se çdo gjë po shkon mirë mes saj dhe DJ PM-it dhe se ata po kalojnë shumë kohë me njëri-tjetrin pavarësisht distancës.
“Të jem realiste jemi siç mund të jetë një çift, ka ato luhatjet e veta do të thotë një herë jemi shumë mirë, një herë zihemi, ka ditë që mund të mos flasim për disa orë, sepse vaj askush nuk shkon, nëse ka një çift që shkon mirë mendoj që nuk ka as dashuri, as xhelozi, ne jemi mirë, kalojmë shumë kohë me njëri-tjetrin, të gjithë na pyesin si ia bëjmë me pjesën e distancës pasi PM jeton në Prishtinë dhe unë në Tiranë, por ne nuk e ndjejmë këtë”, tha ajo.
Edhe pse lidhja e tyre është në rrugën e duhur, Sarah tha se është shumë herët për të bërë një hap më shumë në marrëdhënie e tyre.
“Mendoj që lidhja jonë ka nisur pas ‘Big Brother’, dhe kemi diku dy muaj që po e përjetojmë lidhjen jashtë kamerave dhe syrit të publikut dhe është shumë herët për të folur për bashkëjetesë, për fejesë, martesë apo fëmijë dhe mua më duken pak të tepërta, nuk i kemi diskutuar dhe është shumë e larg kjo”, deklaroi Sarah.
