Nënkryetari i Komunës së Skenderajt, Sami Lushtaku, është deklaruar rreth situatave aktuale në vend.

I pyetur nëse është i mundshëm një koalicion mes VV’së dhe PDK’së, Lushtaku ka qenë i prerë duke thënë se “PDK në asnjë mënyrë nuk guxon të shkojë bashkë me Vetëvendosjen”.

“Jo, jo unë mendoj se PDK me Vetëvendosjen në asnjë mënyrë nuk guxon me qenë bashkë. Ato fyerjet që i ka bë Albin Kurti dhe VV – na ndanë një oqean mes vete. Nuk ka shance. PDK nuk guxon me shku me VV’në. Nuk e lejon elektorati i saj. Nuk kemi asnjë mundësi, asnjë shancë”, tha Lushtaku në emisionin Reel Talk me Maxhunin në Periskopi.

Tutje, ai ka dhënë mendimin e tij se si vendi mund të dal nga ky ngërç aktual politik.

“E vetmja zgjidhje është me shku në zgjedhje. Ne nuk shohim tjetër rrugë. Nuk frikësohemi, absolut jo. PDK bile ka arsye me shku në zgjedhje, me i tregu qytetarit që ky është i papërgjegjshëm dhe ky luan me fatin e këtij vendi. Mënyra qysh është sjell Albin Kurti, qytetarët duhet me ia tregu vendin”, përfundoi Lushtaku.

VIDEO: