Saleen po feston ditëlindjen e tij të 40-të me një edicion special Mustang të gjeneratës së gjashtë. Bëhet fjalë për një SA-40 Speedster me dy vende, i cili do të prodhohet në vetëm dhjetë kopje, do të mbajë një komplet trupi Saleen, ndërsa do të fuqizohet nga një motor i akorduar V8.

Modeli vjen pas “specialeve të ditëlindjes” së kaluar dhe trashëgon drejtpërdrejt SA-35 nga 2018. Të gjithë modelet do të ngjyrosen në ngjyrën e verdhë Speedlab të kombinuar me grafikë të zezë. Pjesa e jashtme është shumë e ngjashme me Mustangët e tjerë nga punishtja e Saleen falë parakolpëve të rinj, pragjeve, parafangove dhe kapakut të motorit, si dhe fenerëve të errësuar. Sidoqoftë, rrotat e lehta me pesë flegra janë unike për SA-40.

Kjo vlen edhe për kapakun unik dhe unazat me fibër karboni mbi mbështetësen e kokës. Pjesa e brendshme e 2-vendëshit është e veshur me lëkurë të zezë me fije të bardhë, detaje të bardha dhe të verdha.

SA-40 ndan pjesën më të madhe të bazës së tij me Saleen 302 Black Label, që do të thotë se fuqizohet nga një motor 5.0-litërsh Coyote V8 me supermbushje që prodhon 800 kf dhe 915 Nm çift rrotullues. Përmirësimet përfshijnë pezullimin Racecraft dhe frenat specifike për Saleen.

Çmimi i modelit është 142,000 dollarë./FrontOnline/