Lojtarët e Barcelonës fituan Superkupën e Spanjës mbrëmë, duke mposhtur rivalin historik Real Madridin me rezultat 5-2.
Nga finalja e luajtur në Arabinë Saudite, klubi jo vetëm që ka shtuar një trofe, po ashtu ka shtuar edhe të ardhura.
Klubi katalanas fitoi rreth 9 milionë euro nga fitorja, shkruan AS.
MADRID, SPAIN – OCTOBER 26: Lamine Yamal of FC Barcelona is challenged by Aurelien Tchouameni of Real Madrid during the LaLiga match between Real Madrid CF and FC Barcelona at Estadio Santiago Bernabeu on October 26, 2024 in Madrid, Spain. (Photo by David Ramos/Getty Images)
Tashmë dihet se katalanasit prej vitesh kanë probleme financiare dhe kjo shifër sigurisht që do të thotë shumë për ta, pasi kane ende punë për të arritur financa pozitive.
Real Madridi nga ana tjetër fitoi 7 milionë euro si finalist në Superkupën e Spanjës.
Në gjysmëfinale luajtën edhe Athletic Bilbao dhe Mallorca. Athletic Bilbao fitoi 2.15 milionë euro, ndërsa Mallorca 900 mijë euro si pjesëmarrëse, por pagesa kaloi shifrën e 1 milion eurove, pasi Barcelona dhe Real Madrid ranë dakord të ndajnë 200,000 dollarë secila nga pagesat e tyre bazë, si pjesë e një marrëveshjeje me RFEF. /Telegrafi/
