120 persona raportohet se kanë vdekur si pasojë e një përplasje të një avioni në Aeroportin Ndërkombëtar Muan në Korenë e Jugut, sipas Shërbimit të Zjarrfikësve Jeolla Jugore.

Të vdekurit përfshinin 54 meshkuj, 57 femra dhe nëntë të tjerë, identiteti i të cilëve ende nuk dihet, shkruan AP, transmeton Klankosova.tv.

Dy persona kanë mbijetuar, të dy anëtarë të ekuipazhit, një mashkull dhe një femër, sipas ekipit të shërbimit zjarrfikës në vend, raporton CNN.

Numri i të vdekurve pritet të rritet më tej pasi pjesa tjetër e njerëzve në aeroplan mbeten të zhdukur tash e gjashtë orë.