Me siguri, si shumica prej jush, gjëja e parë që bëni pasi të jeni ngritur nga shtrati është të filloni të rregulloni dhe palosni shtratin, gjë që nuk është një gjë e keqe, sepse zakonisht lidhet me rregullimin dhe organizimin. Sidoqoftë, ekspertët kanë zbuluar se ky zakon mund të na bëjë më shumë dëm sesa dobi, sepse ne mund të krijonim pa vetëdije mjedisin e përsosur për merimangat.

Ekspertët nga ‘MattressNextDay’ kanë paralajmëruar që rregullimi i shtratit sapo të zgjoheni krijon një ambient perfekt për merimangat sepse i rrethoni me ngrohtësi. “Merimangat e duan ngrohtësinë e shtratit tuaj, kështu që në mëngjes duhet të lini batanijet ashtu si janë për rreth 30 minuta që të qetësohen dhe pastaj palosni shtratin siç bëni normalish”, shpjeguan ekspertët. Merimangat janë kafshë të vogla që janë të padukshme me sy dhe ato ushqehen me thekon të lëkurës që bien gjatë ditës dhe ndërsa ne flemë. Ato shpesh gjenden në mobile, qilima, shtrat dhe madje edhe lodra dhe mund të shkaktojnë kruajtje, rrjedhje hundësh ose lotim të syve nëse jeni alergjik. Atyre u pëlqejnë vendet me lagështirë dhe të ngrohtë, temperatura e të cilave është ndërmjet 20 dhe 25 gradë Celsius.

Përveç ventilimit të shtratit tuaj, një ekip ekspertësh ka gjetur gjithashtu se aplikimi i kremit drejt para gjumit është një gabim i madh. Vendosja e losionit është një ritual për disa, por nëse shkoni në shtrat menjëherë pas kësaj, shtroja thith të gjithë lagështinë në vend. “Ka gjëra që mund të bëni për të mbajtur të freskët shtratin tuaj. Për shembull, mos hani në shtrat, mos lejoni që kafshët shtëpiake të futen në shtrat dhe të përdorni produkte të kujdesit për lëkurën dhe trupin të paktën 30 minuta para gjumit, në mënyrë që lëkura juaj t’i thithë plotësisht”, thonë ekspertët./FrontOnline/