×
  • Lajme
  • Lajme

    Rohde: Jam 100% i sigurt se draft-statuti s’bie në kontradiktë me Kushtetutën

    FrontOnline
    06 Dhjetor 2023

    Ambasadori i Gjermanisë në Kosovë, Jorn Rohde, ka thënë se pavarësisht progresit në dialog siç është Marrëveshja e Brukselit dhe ajo e Ohrit, nuk ka ndodhur zbatimi i tyre.

    Duke folur për Asociacionin e komunave me shumicë serbe, Rohde tha se Kosova ka marrë një obligim ndërkombëtar dhe se duhet ta zbatojë, teksa sipas tij, drafti i propozuar është në përputhje të plotë me Kushtetutën e Kosovës.

    “I gjithë procesi i cili është shtyrë përpara sidomos nga Gjermania, veçanërisht në propozimin për njohjen de facto dhe de jure ka të bëjë me atë se çka mund të arrijmë. Unë jam ambasadori i Gjermanisë në Kosovë, jo në Serbi. Andaj unë përqendrohem në atë që Kosova duhet të bëjë. Kosova ka një përgjegjësi në këtë proces, e cila është implementimi i Asociacionit të Komunave me Shumicë Serbe i cili është një obligim afatgjatë i Kosovës. Kështu që ne presim nga Kosova të jetë e sigurt në vete, ju e keni mbështetjen tonë dhe unë jam 100 % i sigurt se ne nuk kemi propozuar asgjë që bie në kontradiktë me Kushtetutën e Kosovës”, ka thënë Rohde për Tëvë1.

    Rohde ka komentuar edhe raportin e Këshillit të Evropës, ku tha se është bërë e qartë se duhet themeluar Asociacioni për të bërë avancim drejt anëtarësimit në këtë institucion.

    “Javën e kaluar, raporti i publikuar i ekspertëve eminent të Këshillit të Evropës, nëse shkoni në faqen 13,  mund të gjeni një fjali në të ‘ne presim që për avancimin e anëtarësimit të Kosovës në Këshillin e Evropës të zbatohet AKSHS-ja’. Pra, detyra është e qartë. Bëjeni”, tha Rohde.

    Emisarët evropianë dhe ata amerikanë në fund të muajit tetor kishin vizituar Kosovën, të cilët kishin sjellë edhe një draftstatut për Asociacionin.

    Ambasadori suedez qëndron në Devolli Corporation, viziton njësinë Prince Caffe
    Nga Rubrika
    Lajme26 Shkurt 2024
    Misioni i KFOR-it ka deklaruar se janë të pabaza disa deklarata në rrjete sociale në të cilat pretendohen se KFOR-i po ndalon...
    Lajme26 Shkurt 2024
    Deputetja e Lëvizjes Vetëvendosje, Arbreshë Kryeziu – Hyseni, ka hedhur akuza të rënda ndaj emisarit për dialogun Kosovë – Serbi, Mirsollav Lajçak....
    Lajme26 Shkurt 2024
    Kryetari i Deçanit, Bashkim Ramosaj, është shprehur i tronditur nga vdekja e 26 vjeçarit nga Deçani, i cili u godit për vdekje...
    Të tjera
    Lajme26 Shkurt 2024
    Një këmbësor është goditur për vdekje të hënën në rrugën Agim Ramadani në Prishtinë. Prokuroria Themelore në Prishtinë, ka bërë të ditur...
    Lajme26 Shkurt 2024
    Policia e Kosovës ka bërë të ditur se në 24 orët e kaluara janë evidentuar gjithsej 34 aksidente në trafikun rrugor. Në...
    Lajme26 Shkurt 2024
    Gjykata e Apelit ka vendosur që Enver Sekiraqa të rikthehet në arrest shtëpiak, dhe të mos qëndrojë më nën masën e paraqitjes...
    Bota/Rajoni26 Shkurt 2024
    Parlamenti i Hungarisë miratoi sot ofertën e Suedisë për t’u anëtarësuar në NATO, duke pastruar pengesën e fundit për vendin për t’u...
    Lajme26 Shkurt 2024
    Departamenti amerikan i Mbrojtjes ka njoftuar për vizitën e drejtorit kryesor për Politikat Europiane të NATO-s, Alton Buland në Kosovë. Departamenti amerikan...
    Lajme26 Shkurt 2024
    Ish-kryeministri i Kosovës, Avdullah Hoti, ka thënë se Qeveria ka pranuar që çështja e dinarit të diskutohet me Serbinë në Bruksel në...

    FrontOnline, © 2024 Të gjitha të drejtat e rezervuara.