Rita Ora mahniti fansat e saj kur u shfaq e veshur me një fustan nusërie teksa paralajmëronte këngën e saj të re.
Super ylli i muzikës hyri në rrjetet e saj sociale për t’u dhënë fansave të saj besnikë një paraqitje të shkurtër të këngës së saj të re, shkruan The Sun.
Rita, 32 vjeçe, postoi një klip të shkurtër në llogarinë e saj zyrtare në TikTok dhe Instagram, ku shfaqte një pjesë të shkurtër nga kënga e saj e re e cila luhej në sfond.
Ish-anëtarja e jurisë së spektakleve “X Factor” dhe “The Voice” dha një performancë sensuale për sinkronizimin e buzëve të këngës “You Only Love Me”, e cila do të publikohet e plotë më 27 janar.
Por këngëtarja e hitit “Anywhere” ishte veshur me një fustan nusërie të bardhë me material prej tyli.
Flokët e saj dhe fytyra e shndritur ishin pjesërisht të fshehura nga një vello.
Rita i kishte stiluar flokët e saj në një topuz, që kishte elemente që i ngjanin shkëlqimit të vjetër të Hollywoodit.
Artistja e lindur në Prishtinë kishte kaçurrela të trasha, të cilat ishin grumbulluar me mjeshtëri për të krijuar një efekt koshere, ndërsa fijet e saj të përparme ia kornizonin fytyrën.
So so so SO excited to finally announce my new single YOU ONLY LOVE ME 🔐 Out January 27th! ❤️ I’m back, baaaaby. Pre-save it now, link in bio for you 💫 #YouOnlyLoveMe #RO3 #fyp #newmusic #ritaora #bride ♬ You Only Love Me – Rita Ora
Ndërkohë, ajo kishte aplikuar një rimel ‘symoy’ dhe një shkëlqim të trashë pjeshke të errët në buzët e saj.
Ajo mahniti fansat teksa rrotulloi kamerën rreth këndeve të ndryshme për të përfituar plotësisht nga tiparet e saj të pamjes.
Pesë herë e nominuara për çmimin ‘Brits’ mbante një palë vathë të trashë për të theksuar formën e vetullave të saj në formë të guximshme për të kompletuar pamjen.
Kjo paraqitje e saj vjen pak kohë pasi Rita i ngacmoi fansat e saj me publikimin e një imazhi “topless” në shtratin e saj për të promovuar këngën e saj të re.
Fansat e saj prisnin me padurim ndonjë sugjerim të mëtejshëm se kur do të publikohej albumi i saj i ri.
Të mërkurën në mbrëmje, Rita i gëzoi fansat e saj në rrjetet sociale kur zbuloi se kënga e saj e re “You Only Love Me”, do të publikohet në fund të këtij muaji.
