Jennifer Lopez dhe Rita Ora thuhet se do të punojnë së bashku në një duet të ri. Lope 51-vjeçare dhe Rita 30-vjeçare u takuan kohët e fundit në Los Anxhelos dhe burime të brendshme kanë zbuluar se ato diskutuan për të punuar në muzikë dhe ndoshta edhe një film së bashku.

“Jennifer është një adhuruese e madhe e Rita-s, dhe anasjelltas. Ato kanë dashur prej kohësh të bashkohen dhe më në fund oraret e tyre u rreshtuan pasi Rita kishte mbaruar xhirimet e ‘The Voice’ në Australi. J-Lo dhe Rita u takuan në Soho House në LA dhe kaluan disa orë duke folur për atë që ata mund të bënin së bashku. Asgjë nuk ishte jashtë kufijve dhe ato folën si për muzikën ashtu edhe për filmat”, tha një burim.

Dhe Rita është frymëzuar nga karriera e Jennifer, e cila punon si aktore dhe muzikore. “Trajektorja e karrierës së J-Lo është diçka që Rita dëshiron shumë të imitojë. Ajo filloi në muzikë si J-Lo, para se të kalonte edhe në filma dhe TV. Kishte një ndjenjë të vërtetë të një vlerësimi të ndërsjellë midis grave dhe nëse ato arrijnë të punojnë së bashku për një këngë ose film, do të jetë e pabesueshme”, përfundoi burimi./FrontOnline/