Ashtu siç edhe kishte paralajmëruar, viti 2023 po e rikthen Rita Orën në muzikë.

Të premten e 27 janarit, ajo publikoi këngë e saj më të re me titull “You Only Love Me”, e cila i paraprin albumit të saj të tretë që gjithashtu do të publikohet këtë vit.

Në videon muzikore të këngës, artistja shqiptare shfaqet tejet tërheqëse në disa skena komike, e veshur si nuse teksa organizon ‘natën e saj të dështuar të beqarisë’.

Pjesë e klipit janë edhe yjet Lindsay Lohan dhe Kristen Stewart, të cilat shfaqen në fillim të videos duke i kumtuar Ritës lajmin se ato nuk mund të jenë pjesëmarrëse në dasmën e saj.

Rita ka qenë shumë entuziaste për rikthimin e saj në muzikë, gjersa kashtuar se fansat e saj do të kenë mundësinë të presin më shumë nga ajo këtë vit. /Telegrafi/