Gjatë kësaj jave vendi ynë do të mbetet nën ndikimin e kushteve të paqëndrueshme atmoferike. Si rrjedhojë, gjatë gjithë javës parashihen vranësira të shpeshta, të cilat kohë pas kohe do të gjenerojnë edhe reshje lokale shiu, e në momente të caktuara pritet të jenë në formë të rrebesheve.

Po ashtu, koncentrimet e larta të pluhurit saharian do të vazhdojnë përgjatë javës, me tendencë me ç’rast reshjet do të përzihen me baltë.

Era do të fryjë drejtimesh të ndryshme, e cila kohë pas kohe pritet të jetë mjaft e fuqishme, me shpejtësi prej 15 deri në 50 km/h.

Temperaturat minimale do të lëvizin prej 6 deri në 10°C, ndërsa maksimale prej 11 deri në 19°C. Vlerat më të larta do të mbesin në fillim të javës, ndërsa nga dita e mërkurë do të pësojnë ulje. /MeteoKosova/