Cardi B lindi fëmijën e saj të dytë dhe dha lajmin e lumtur tri ditë më vonë. “4 Shtator 2021”, shkroi ajo pranë një fotografie të shtrirë në shtratin e spitalit me djalin e saj në krahë dhe burrin e saj Offset, duke shtuar emoticons të dinosaurëve, arinjve pelushi dhe zemrave blu.

“Ne jemi shumë të lumtur që më në fund takuam djalin tonë. Ai tashmë është i adhuruar nga familja dhe miqtë dhe mezi presim që vëllezërit të takohen me të”, shkroi çifti në një deklaratë për revistën People.

Edhe 29-vjeçari Offset njoftoi se ai është bërë përsëri baba. Ai ndau një fotografi të tij të ulur në një kolltuk pranë shtratit të spitalit me një foshnjë në krahë. “Kapitulli 5”, shkroi ai./FrontOnline/