Ata me shkathtësi përpiqen të shmangin paparacët, por i filmuan në Barbados në dhjetor të vitit të kaluar. Thashethemet se të dy janë në një lidhje filluan në vitin 2013, kur ASAP Rocky performoi me Rihanna-n në turneun e saj botëror “Diamonds”, dhe në vitin 2013 çifti gjithashtu u shfaq në videon e tij për këngën “Fashion Killa”.

Që atëherë, mediat kanë spekuluar për dashurinë e tyre, por vetëm tani, reperi amerikan ASAP Rocky (32) konfirmoi në një intervistë për revistën ‘GQ’ se ai është në lidhje me kolegen e tij, Rihanna. Muzikanti e përshkroi këngëtaren e famshme si “dashuria e jetës së tij”. “Jam një milion herë i sigurt se ajo është e duhura, thjeshtë e di. Ajo është e vërteta”, tha ai.

Reperi theksoi se Rihanna “absolutisht kishte një ndikim në albumin e tij të ri”, i cili paraqet muzikantin e famshëm britanik të muzikës punk dhe rock Morrissey./FrontOnline/