Dashawn Robertson, më i njohur për publikun me emrin artistik Lil Loaded, ka vdekur në moshën 21 vjeç. Sipas mediave të huaja, Robertson bëri vetëvrasje. Ai u bë i famshëm në vitin 2019 me hitin ‘6locc 6a6y’, i cili u dëgjua dhe u pa mbi 29 milion herë në ‘YouTube’ dhe ai postoi një mesazh lamtumire në profilin e tij në Instagram, i cili u fshi menjëherë pas kësaj.

“I dashur i Plotfuqishëm, më fal për çdo herë që nuk të kam bërë krenar dhe nuk kam vlerësuar të gjitha bekimet e dhëna në jetë. Unë kërkoj hyrjen në mbretërinë tënde, e di që ti i do të gjithë fëmijët e tu. Zemra dhe shpirti im janë gati të bashkohemi”, ishte mesazhi.

Robertson u akuzua në mars të këtij viti për vrasjen e 18-vjeçarit Khalil Walker, mikut të tij, të cilin ai dyshohet se e qëlloi me një pushkë para shtëpisë së tij në tetor të vitit të kaluar. “Faleminderit të gjithëve për mbështetjen tuaj. Ata duan që ju të shpalleni fajtorë edhe pse jeni të pafajshëm, por ne do të mbijetojmë. Pusho në paqe, vëlla, të dua”, postoi Robertson në profilin e tij në Instagram në atë kohë./FrontOnline/