Janë mbyllur dy ndeshjet e sotme dhe të fundit për javën e 29-të në Superligën e Kosovës.

Kryendeshja e sotme u zhvillua në stadiumin “Rexhep Rexhepi” në Drenas, shkruan FrontOnline.

Feronikeli ishte nikoqir i Ballkanit, në ndeshjen ku suharekasit fituan me rezultat të pastër, 0:2.

Pas 29 javësh, Ballkani mbetet në vendin e dytë në tabelë me 61 pikë, kurse Feronikeli në vendin e shtatë me 34 sosh.

Nga ana tjetër, Drita e ka regjistruar një fitore tejet të rëndësishme në stadiumin “Riza Lushta” në Mitrovicë.

Kampionia në fuqi e Kosovës e ka mposhtur Trepçën ’89 me rezultat 0:1 me golin e vetëm të shënuar nga Festim Alidema në minutën e 54-t.

Me këtë fitore, Drita vazhdon të jetë lidere me 64 pikë të tubuara, kurse Trepça ’89 në vendin e gjashtë me 35 sosh.

Xhiroja e 30-të në elitën e futbollit kosovar luhet në fundjavën e ardhshme./FrontOnline/