Prodhuesi francez i makinave Renault do të transferojë 68 për qind të aksioneve të prodhuesit të makinave AvtoVAZ tek Instituti Shkencor Rus për një shumë simbolike, njoftoi Rusia të mërkurën.

Renault ka vendosur të transferojë aksionet e saj të pronësisë në AvtoVAZ tek Instituti i Moskës për Kërkimin e Makinave dhe Motorëve NAMI sepse nuk mund të vazhdonte biznesin e saj   në Rusi, njoftoi Ministria e Tregtisë.

Aksionet u shitën për një rubla dhe Renault do të ruajë të drejtën e riblerjes për pesë deri në gjashtë vitet e ardhshme, tha ministri rus i Tregtisë Denis Manturov, sipas raporteve të agjencisë ruse të lajmeve Interfax, duke shtuar se aksionet e Renault në fabrikën e Moskës do të jenë marrë përsipër nga administrata e qytetit.

“Mirëpo, nëse investojmë në atë periudhë, investimet do të përfshihen në kosto. Askush nuk do t’i japë asgjë askujt”, theksoi Manturov.

As kompania franceze dhe as qeveria në Paris, e cila mban 15 për qind të aksioneve në Renault, nuk donin të komentonin mbi transaksionin./FrontOnline/