Barcelona po ndërmerr hapa drejt transferimit të sulmuesit të Manchester United, Marcus Rashford. 27-vjeçari nuk është më i dëshiruar nga klubi, ndërsa Barcelona po kërkon përforcime në repartin ofensiv.

Sipas gazetës Sport, drejtori sportiv i Barcelonës, Deco, ka zhvilluar një takim me agjentin e Rashford-it të mërkurën në mëngjes për të diskutuar një lëvizje të mundshme. Blaugranët besojnë se transferimi i objektivit të tyre kryesor, Luis Diaz, do të jetë “shumë i vështirë” për t’u realizuar, prandaj po fokusohen te alternativat e tjera.

Rashford ishte një opsion për Barcelonën edhe gjatë afatit kalimtar të janarit, por klubi katalanas nuk kishte hapësirë brenda kufirit të pagave. Përfaqësuesi anglez, i cili duket se po e favorizon një kalim te Barcelona, priti deri në ditët e fundit të merkatos përpara se të sigurohej huazimi i tij te Aston Villa.

Një pengesë potenciale mund të jetë çmimi i kërkuar. Manchester United ka vendosur një çmim prej 48 milionë euro për Rashford, dhe është më e prirë për shitje sesa për huazim. Megjithatë, Barcelona e di që Djajtë e Kuq janë të dëshpëruar të largojnë Rashfordin dhe pagën e tij. Synimi i katalanasve është që Rashford të refuzojë të gjitha ofertat e tjera dhe të përqendrohet te Barcelona, duke e detyruar United-in të shqyrtojë ofertën e tyre – një huazim me mundësi blerjeje.

Takimi në Barcelonë ndihmoi për të konfirmuar që Rashford do të ishte i gatshëm të presë për një kalim në Camp Nou. Kjo kërkon shumë durim, pasi Barcelona ende nuk i ka zgjidhur çështjet e kufirit të pagave, por Rashford është i gatshëm të presë nëse interesi i klubit është serioz.

Hansi Flick i ka dhënë dritën jeshile këtij transferimi, dhe ai së bashku me Deco besojnë se Rashford përshtatet me stilin e lojës së tyre. Fabrizio Romano shton se Rashford është një nga katër opsionet në listën e ngushtë të Barcelonës.