Raportuesja për Kosovën në Parlamentin Evropian, Viola von Cramon, ka akuzuar presidentin serb, Aleksandër Vuçiq se ka gënjyer rreth numrit të rasteve të prekura me Covid-19 në Serbi para zgjedhjeve.
Siç ka thënë Cramon, pushteti për Vuçiq ishte më i rëndësishëm se shëndeti i qytetarëve, ndërsa akuzoi edhe për dhunë brutale ndaj protestuesve të cilët mbrëmë mbushën sheshet duke kundërshtuar masat e reja.
“Duket se Vuçiqi ka gënjyer rreth numrit të rasteve me Covid-19 për të pasur “zgjedhje” të qeta. Ai nuk mund të fshihet pas shtimit të rasteve të reja dhe njerëzit e dinë se për të pushteti është më i rëndësishëm se shëndeti. Protesta të mëdha paqësore pati dje dhe ai po sulmon brutalisht protestuesit dhe kalimtarët”, ka shkruar Cramon në Twitter.
It seems Vučić lied about #COVID19 numbers to have calm “elections” campaign. He can’t shy away from reality of rising cases & ppl know power has been more important for him than health. Huge peaceful protests yesterday & he’s brutally attacking protesters & bystanders #Serbia https://t.co/0ZBd14u442
— Viola von Cramon (@ViolavonCramon) July 8, 2020
