×
  • Lajme
  • Lajme

    Raporti i GAP: Kosova e para në Evropë për pjesëmarrjen më të ulët të grave në tregun e punës

    FrontOnline
    30 Prill 2025

    Instituti GAP ka publikuar një raport, “Emigrimi dhe tregu i punës në Kosovë: Potenciali i papërdorur i fuqisë punëtore joaktive”, ku ndër tjerash ka dhënë detaje për numrin  fuqisë punëtore jo-aktive, shkruan Gazeta Express.

    GAP ka treguarse nga gjithsej 613,029 persona jo-aktiv në treg të punës në Kosovë, 402,847 (66%) janë gra, ndërsa 210,182 (34%) janë burra.

    Nga ky institut, theksohet se kjo do të thotë se shkalla e jo-aktivitetit ekonomik tek gratë është për 32 pikë përqindje më e lartë se e burrave. Pra, fuqia punëtore jo-aktive dominon për vite me radhë në tregun e punës në vend.

    Po ashtu, në raport thuhet se në nivel botëror, Kosova radhitet e pesta për pjesëmarrjen më të ulët të grave në treg të punës, dhe e para në Evropë.

    Tutje, shtohet se sfidat që gratë hasin për të hyrë në treg të punës përfshijnë: detyrat e kujdesit për familjen, mungesën e kopshteve për fëmijë, mospërshtatjen në mes të aftësive të tyre dhe kërkesave të tregut të punës, mungesën e kontratave të punës formale, pagat e ulëta dhe hendekun gjinor të pagave, mungesën e kompensimit për orët e tepërta dhe punën praktike, mbështetjen e pamjaftueshme nga qeveria, frikën e humbjes së ndihmave sociale, mundësitë e kufizuara të transportit dhe tjera të ngjashme.

    Më tej, theksohet se sipas të dhënave të fundit nga Anketa e Fuqisë Punëtore (AFP) në Kosovë, niveli i papunësisë së grave është më i lartë se burrave për 8.7 pikë të përqindjes. Dallimet nga papunësia e grave në muajt e parë të vitit dhe muajt e fundit për më tepër tregojnë dekurajim dhe lëvizje drejt jo-aktivitetit.

    Përveç këtyre, theksohet edhe se gratë të cilat jetojnë në zona rurale janë dyfish më të prirura të qëndrojnë ekonomikisht jo-aktive krahasuar me ato të cilat jetojnë në zona urbane. Sipas studimeve, në familjet të cilat pranojnë remitanca, pjesëmarrja në treg të punës është më e ulët, veçanërisht pjesëmarrja e grave. Ndikimi i remitancave në rritjen e pagës rezervë ndikon negativisht në ofertën e punës. Bazuar në faktin se Kosova pranon vlerë të lartë të remitancave (1.35 miliardë në 2024), ato ndikojnë ndjeshëm në sjelljen e tregut të punës duke siguruar një burim shtesë të të ardhurave familjare.

    Sipas të dhënave të ASK-së, remitancat janë burim kryesor i të hyrave për rreth 7% të ekonomive familjare.26 Kjo siguri financiare u mundëson përfituesve të jenë më selektivë në kërkimin e punës dhe të qëndrojnë joaktivë në tregun e punës.

    Nga Rubrika
    Lajme10 Maj 2025
    Ambasadori i Britanisë së Madhe në Kosovë, Jonathan Hargreaves, ka uruar komunitetit goran në ditën ndërkombëtare të tyre. Në një postim në...
    Lajme10 Maj 2025
    Deputetja e PDK-së, Eliza Hoxha, ka reaguar rëndë ndaj mbajtjes së mbledhjes së Këshillit Drejtues të Lëvizjes Vetëvendosje në ambientet e Universitetit...
    Lajme10 Maj 2025
    Asociacioni i Gazetarëve të Kosovës në një reagim ka shprehur zhgënjim të thellë me qasjen e kryeministrit në detyrë, Albin Kurti, një...
    Të tjera
    Bota/Rajoni10 Maj 2025
    Kryeministri britanik Keir Starmer, ka dhënë komentet e tija për armëpushimin mes Indisë dhe Pakistanit duke thënë se një gjë e tillë...
    Lajme10 Maj 2025
    Albin Kurti, në fjalimin e mbajtur në mbledhjen e këshillit të përgjithshëm të Lëvizjes Vetëvendosje, ka deklaruar se Kosova do të jetë...
    Lajme10 Maj 2025
    Artan Behrami, deputet i Partisë Demokratike të Kosovës, përmes një postimi në Facebook, ka thënë se insistimi nga ana e Lëvizjes Vetëvendosje...
    Lajme10 Maj 2025
    Deputetja e Kuvendit të Kosovës nga radhët e LDK-së, Jehona Lushaku-Sadriu, ka thënë se mbledhja e sotme e Këshillit të VV-së u...
    Lajme10 Maj 2025
    Kryeministri në detyrë, Albin Kurti, ka thënë se Kosova dhe populli i saj janë mirënjohëse për mbështetjen e Arabisë Saudite ndër vite....
    Lajme10 Maj 2025
    Kosova sivjet do të jetë këtë  nikoqire e e stërvitjes më të madhe ndërkombëtare në rajonin e Ballkanit Perëndimor “Defender Europe” për...
    -->

    FrontOnline, © 2025 Të gjitha të drejtat e rezervuara.