Kandidati për deputet nga radhët e Aleancës për Ardhmërinë e Kosovës (AAK), Naim Ramizi, ishte i ftuar në “Kosova Voton” të televizionit T7, ku temë e diskutimit ishte “ Lugina e Preshevës në diskursin politik në Kosovë”.
“Kam qenë gjithmonë ithtarë i reciprocitetit të plotë ekonomik e politik ndaj Serbisë, ndryshe s’mund t’iu përimsojmë jetën qytetarëve atje, reciprociteti është përgjigja: nuk m’i njeh nuk t’i njoh”, tha Ramizi.
Ai tha se është hera e parë kur reciprociteti iu ka kthy bumerang qytetarëve të Luginës, por që kjo është rregulluar pastaj vetëm me letërnjoftim.
“Qytetari i Luginës me letërnjoftim e ka të rregulluar, kurse fëmijët me certifikatë. Këto janë probleme më të mëdha dhe qe duhet me u zgjidh me dialog Kosovë – Serbi, pa u përmbyllë dialogu, nuk kryhen këto probleme. Për herë të parë në dialog e kemi pasur Selim Selimin, që ka qenë në Uashington, si përfaqësues edhe i Luginës ne Qeveri.”, shtoi tutje Ramizi.
Më tej ai tha se, qeveria e Serbisë investon 55 milionë euro në vit në Veri.
“Mendoj se me 10 milionë investim kish me u vërejt dora e shtetit, qytetarët e Luginës janë shumë punëtor, ata kanë nevojë me e ndi dorën e shtetit. Ai vend ka resurse. Nuk i kemi në program këto.”, u shpreh Ramizi.
Ai tutje theksoi se zëri i tij në Luginë është dëgjuar shumë më herët.
“Kjo është një garë elektorale dhe e përcjellë një mesazh te ata dhe le ta qesin gishtin ne kry se kush i përfaqëson. Une do te jem zëri i tyre dhe iu kërkoj edhe votën e tyre edhe të rinjve në Kosovë.”, tha Ramizi.
