×
  • Lajme
  • Lajme

    Rakiq: Kurti dhe Osmani ishin në veri për t’i fshirë qytetarët tanë nga lista e votuesve

    FrontOnline
    11 Shkurt 2021

    Kryetari i Listës Serbe, Goran Rakiq, pretendon se kryetari i Lëvizjes Vetëvendosje dhe kandidati për kryeministër, Albin Kurti dhe ushtruesja e detyrës së presidentes së Kosovës, Vjosa Osmani, kishin shkuar në Mitrovicën e Veriut për t’i fshirë qytetarët nga lista e votuesve.Rakiq tha se rezultati që Lista Serbe do ta marrë në zgjedhjet e së dielës, do të jetë përgjigjja e tyre ndaj Prishtinës, që sipas tij, “po bën gjithçka për të uzurpuar të drejtën e tyre per te votuar”.

    “Nuk është lajm që Prishtina dëshiron ta zvogëlojë forcën e popullit serb në institucione përmes dobësimit të Listës Serbe. Njerëzit tanë janë shumë të mençur, të durueshëm dhe të arsimuar politikisht, kështu që ne i kuptojmë qartë të gjitha lëvizjet që janë bërë ditëve të kaluara, nga ardhjet e paparalajmëruara me njerëz të armatosur në veri të Kosovës për t’i fshirë qytetarët tanë nga lista e votuesve. Mbështetja për Listën Serbe do të jetë përgjigjja më e mirë e njerëzve tanë ndaj të gjitha hileve”, tha Rakiq për “Srpski Telegraf”.

    “Ne po përballemi me një situatë ku një numër i caktuar i njerëzve tanë, pavarësisht se kanë dokumente, nuk janë në listën e votuesve, megjithëse ky proces është i automatizuar. Qytetarëve gjithashtu u ndryshohen qendrat e votimit, të gjitha me qëllim që të lodhen dhe të dekurajohen nga këmbëngulja në luftimin për të drejtat e tyre”, shtoi Rakiq.

    Kryetari i Listës Serbe e ka sulmuar edhe Nenad Rashiqin, i cili po bën fushatë bashkë me Albin Kurtin, duke thënë se është vënë në shërbim të shqiptarëve.“Disa udhëheqës që paraqiten si parti serbe po hyjnë në fushatë me Albin Kurtin, pa asnjë turp. Shqiptarët tani po i drejtojnë hapur disa serbë që janë të përshtatshëm dhe që nuk do të jenë në shërbim të njerëzve, por në shërbim të qëllimeve të shqiptarëve”, tha Rakiq.

    Më herët, Rakiq kishte thënë se pret që KFOR-i në të ardhmen t’i ndalojë vizitat e politikanëve kosovarë në veri, sikurse ishte ajo që e bënë ushtruesja e detyrës së presidentes, Vjosa Osmani dhe kryetari i Lëvizjes Vetëvendosje, Albin Kurti.“Një provokim si ai në Mitrovicën e Veriut, gjatë ardhjes së paparalajmëruar të Kurtit dhe Osmanit, më shqetëson mua si dhe qytetarët.

    Unë besoj se KFOR-i nuk do të lejojë që situata të tilla të ndodhin përsëri”, tha Rakiq pë Radio Televizionin e Serbisë (RTS).Presidenti i Serbisë, Aleksandar Vuçiq, vizitën në veri të kryetarit të LVV-së, Albin Kurti dhe ushtrueses së detyrës së presidentes së Kosovës, Vjosa Osmani e kishte cilësuar si fyerje e poshtërim për serbët, ndërsa i kishte përgëzuar këta të fundit për sjelljen e treguar atë ditë.Sikurse Vuçiqi, një ditë përpara tij kishte reaguar edhe kryeministrja serbe, Ana Bërnabiq. Ajo po ashtu i kishte falenderuar serbët për reagimin, ndërsa tha se Kurti dhe Osmani deshën të marrin poena politikë.Për këtë vizitë kishte reaguar edhe drejtori i të ashtuquajturës zyrë për Kosovën në Qeverinë e Serbisë, Petar Petkoviq.

    Ai kishte thënë se “plani i Kurtit dështoi”, ndërsa kishte shtuar se lideri i LVV-së “dëshiron ta destabilizojë gjithë rajonin”.Para rreth dy javësh, Albin Kurti dhe Vjosa Osmani e vizituan minierën “Trepça” në veri, ndërsa u raportua se kjo vizitë u ndërpre pas një reagimi të serbëve lokalë.Këtë e kishin mohuar nga partia e Kurtit, por më pas dolën pamje ku shihet se vizita atje u përcoll me shumë tensione.

    Banori/banorja i/e dhjetë: Jeta të ofron njerëz të këqij, por unë ua gjej vendin
    Nga Rubrika
    Lajme13 Korrik 2024
    Kryetari aktual i Bujanocit, Nagip Arifi edhe pas mbajtës së zgjedhjeve të 3 qershorit, thotë se nuk janë mundësitë që shqiptarëve t’iu...
    Lajme13 Korrik 2024
    Kryeministri i Republikës së Kosovës, Albin Kurti, vizitoi për ngushëllime sot familjen Dehari në fshatin Sllupçan të Kumanovës. I shoqëruar nga ministra...
    Lajme13 Korrik 2024
    Shtetet e Bashkuara thanë se Rusia po kërkon të shfrytëzojë tensionet ndëretnike në rajonin e Ballkanit Perëndimor, me qëllim që të krijojë...
    Të tjera
    Kronika13 Korrik 2024
    Në Llapnasellë janë arrestuar pronarët e një auto-servisi dje pasi dyshohet se e kishin thyer veturën e një personi pas një mosmarrëveshjeje....
    Lajme13 Korrik 2024
    Policia e Kosovës ka identifikuar të dyshuarit për therjen me thikë mbrëmë në Pejë. Përmes raportit 24 orësh, Policia ka bërë me...
    Kronika13 Korrik 2024
    Një person është arrestuar dje në Prishtinë për shkak se e kishte kanosur me thikë vëllanë e tij. Në raportin 24-orësh të...
    Vip13 Korrik 2024
    Kylie Jenner, e cila do të mbushë 27 vjeç më 10 gusht, ndau lansimin e saj të fundit për linjën e saj...
    Sport13 Korrik 2024
    Anglia do të synojë të bëjë edhe më shumë histori të dielën, kur do të ballafaqohet me Spanjën në finale të Kampionatit...
    Bota/Rajoni13 Korrik 2024
    Presidenti amerikan Joe Biden, filloi fushatën e tij përpara një turme entuziaste në Detroit të premten, duke deklaruar pa mëdyshje: “Unë jam...

    FrontOnline, © 2024 Të gjitha të drejtat e rezervuara.