FC Rahoveci 2019 do të jetë pjesë e Superligës së Kosovës në futsall.

Klubi nga Rahoveci e ka mbyllur kampionatin në grupin B në Ligën e Parë si lider, shkruan FrontOnline.

Nga dhjetë xhiro, rahovecasit kanë regjistruar nëntë fitore dhe një barazim.

Në ndeshjen e fundit kampionale, Rahoveci 2019 ka mposhtur rivalin lokal, Rahovecin me rezultat 10:3.

Pas ndeshjes lojtarëve dhe stafit të FC Rahoveci 2019 u janë ndarë medaljet si dhe trofeu i kampionit, të cilat i ndanë koordinatori i futsallit në FFK, Arben Zhjeqi dhe komisari i garave, Hysni Gjinovci./FrontOnline/