Mbrëmë , rreth orës 23:50, një qytetar i Ferizajt Osman Lohaj, 21 vjeçar, me profesion kamarier, ka gjetur një portofol me para dhe dokumente të
humbura , para Emergjencës Primare në Ferizaj .
Lajmin e ka bërë të ditur Policia e Kosovë për rajonin e Ferizajt.
Sipas Policisë, portofoli i përkiste Çlirim Asllanit 22 vjeçar nga Ferizaj.
Njoftimi i plotë:
Mbrëmë , rreth orës 23:50, një qytetar i Ferizajt Osman Lohaj, 21 vjeçar, me profesion kamarier, ka gjetur një portofol me para dhe dokumente të
humbura , para Emergjencës Primare në Ferizaj. Portofoli i përkiste Çlirim Asllanit 22 vjeçar nga Ferizaj.
Ai menjëherë ka njoftuar policinë dhe portofolin e gjetur e ka dorëzuar në stacionin policor të Ferizajt.
Pas procedurave të verifikimit të pronarit, në prani të policisë, pronarit i kthehen paratë ( 381 euro dhe dokumentet e tij).
Me këtë rast, Drejtoria Rajonale e Policisë në Ferizaj, ka falënderuar qytetarin Osman Lohaj për gjestin human dhe shembullorë me rastin e dorëzimit të portofolit të gjetur në stacionin e policisë .