PZAP-ja hedh poshtë ankesën e Vetëvendosjes për votimin e diasporës

Paneli Zgjedhor për Ankesa dhe Parashtresa ( PZAP) ka hedhur poshtë ankesat e ushtruara nga Lëvizja Vetëvendosje dhe Organizata joqeveritare “Germin” kundër vendimit të Komisionit Qendror të Zgjedhjeve që ka të bëjë me verifikimin e aplikacioneve për regjistrim për periudhën e aplikimit për regjistrim të votuesve jashtë Kosove, raporton Front Online.

Ky vendim është marr në mbledhjen e mbajtur dje më 13 janar 2021.

“Hedhen të palejuara apelet Anr.1/2021 i datës 12.01.2021, i ushtruar nga subjekti politik Lëvizja Vetëvendosje dhe Anr.2/2021 i datës 12.01.2021, i ushtruar nga Organizata joqeveritare “Germin”, kundër vendimit të Komisionit Qendror të Zgjedhjeve, me nr. 42-2021 i datës 11.01.2021. që ka të bëjë me Verifikimin e Aplikacioneve për Regjistrim për Periudhën e Aplikimit për Regjistrim të Votuesve Jashtë Kosove”, thuhet në vendimin e PZAP-së.

“Petrol Company” ndihmon më shumë se 200 familje për festën e Fitër Bajramit (VIDEO)

Sponsoruar