Në mesazhin e tij për Ditën e Shtetësisë së Republikës së Serbisë, Presidenti i Federatës Ruse, Vladimir Putin, ka theksuar se marrëdhëniet e partneritetit strategjik midis shteteve po zhvillohen në mënyrë dinamike.

“Përgëzime të ngrohta me rastin e festës kombëtare të Republikës së Serbisë – Ditës së Shtetësisë. Marrëdhëniet e partneritetit strategjik midis shteteve tona po zhvillohen në mënyrë dinamike, pavarësisht kushteve të vështira ndërkombëtare”, ka thënë Putin.

Ai ka shprehur besimin se lidhjet shekullore mes popujve rus dhe serb do të vazhdojnë të forcohen.

“Jam i bindur se, duke u mbështetur në lidhjet shekullore të miqësisë vëllazërore dhe afërsisë shpirtërore që i bashkojnë popujt rus dhe serb, do të jemi në gjendje të vazhdojmë forcimin e bashkëpunimit të ndërsjellë dhe të dobishëm në fusha të ndryshme dhe të realizojmë projekte të përbashkëta me perspektivë”, thuhet në urimin e Putinit për presidentin e Serbisë, Aleksandar Vuçiq./RTK