Organizata ekstremiste Shteti Islamik i ka shtuar ndjeshëm aktivitetet e saj në verilindje të Sirisë, paralajmëroi sot presidenti rus, Vladimir Putin.

“Në verilindje, përtej Eufratit, aktivitetet e luftëtarëve të Shtetit Islamik janë shtuar ndjeshëm”, tha ai në një videokonferencë me drejtuesit e Turqisë dhe Iranit.

Putin, presidenti turk, Recep Tayyip Erdogan dhe presidenti iranian, Hassan Rowhani, ranë dakord të vazhdojnë përpjekjet për të siguruar një armëpushim të gjerë në Siri, sipas një deklarate të përbashkët të lëshuar pas takimit.

Rusia dhe Irani mbështesin qeverinë siriane, ndërsa Turqia mbështet grupe të caktuara rebele.

Në deklaratën e tyre, ata u zotuan të vazhdojë bashkëpunimin në luftën kundër grupeve ekstremiste, si Shteti Islamik.