Paris Saint-Germain ka siguruar një fitore me përmbysje kundër Aston Villa, duke triumfuar me rezultat 3-1 në ndeshjen e parë të çerekfinales së Champions League.
Skuadra mysafire nga Anglia ishte e para që ka kaluar në epërsi, kur në minutën e tridhjetë e pestë, Rogers ka shënuar pas asistimit nga Tielemans, duke i dhënë Aston Villa një epërsi të papritur.
Megjithatë, PSG ka reaguar shpejt. Vetëm katër minuta më vonë, në minutën e tridhjetë e nëntë, Doue e ka barazuar rezultatin në 1-1, pas një asistimi të saktë nga Mendes, duke rikthyer balancën para fundit të pjesës së parë.
Në pjesën e dytë, vendasit e kanë filluar më mirë. Në minutën e dyzet e nëntë, Khvicha Kvaratskhelia ka realizuar golin e dytë për PSG, me një pasim të asistuar nga Ruiz, duke e përmbysur kështu rezultatin në 2-1.
Pavarësisht përpjekjeve të skuadrës angleze për të barazuar, PSG e ka menaxhuar mirë lojën në minutat e fundit, ku jo vetëm që e ka ka ruajtur rezultatin, po edhe e ka shtuar edhe golin e tretë me Mendes.
Kësisoji në ndeshjen e dytë skuadra franceze futet në fushë me një epërsi prej dy golash, një rezultat sfidues për skuadrën angleze për ta përmbysur dhe pvr të shkuar tutje. /RTK
