Organizatat e majta thonë se më shumë se 500,000 njerëz pritet të dalin në rrugë për të protestuar në Uashington DC, Florida dhe gjetkë anembanë vendit të shtunën për të kundërshtuar “agjendën autoritare dhe të mbështetur nga miliarderët” e Donald Trump.

MoveOn, një nga organizatat që po planifikojnë ditën e protestës e që po e quajnë Hands Off, së bashku me dhjetëra grupe të punës, mjedisore dhe të tjera progresive, tha se më shumë se 1000 protesta janë planifikuar në të gjithë SHBA-në, duke përfshirë edhe në kryeqytetet e shtetit, shkruan The Guardian

“Kjo po formohet të jetë protesta më e madhe njëditore në vitet e fundit të historisë amerikane”, tha Ezra Levin, një themeluese e Indivisible, një nga grupet që planifikojnë ngjarjen, në një thirrje organizative të kohëve të fundit.

Ngjarja më e madhe pritet të jetë në National Mall në Uashington DC, ku anëtarët e Kongresit, duke përfshirë demokratët Jamie Raskin nga Maryland, Maxëell Frost nga Florida dhe Ilhan Omar nga Minesota, është planifikuar të flasin para turmave.

“Ky është një mobilizim mbarëkombëtar për të ndaluar rrëmbimin më të pacipë të pushtetit në historinë moderne”, thuhet në uebsajtin e protestës.

“Trump, Musk dhe miqtë e tyre miliarderë po orkestrojnë një sulm të gjithanshëm mbi qeverinë tonë, ekonominë tonë dhe të drejtat tona themelore – të mundësuara nga Kongresi në çdo hap të rrugës”.

“Ata duan ta shkrijnë Amerikën për pjesë- mbyllja e zyrave të sigurimeve shoqërore, shkarkimi i punonjësve esencialë, eliminimi i mbrojtjes së konsumatorit dhe shkatërrimi i Medicaid – të gjitha për të financuar mashtrimin e tyre tatimor miliarder. Ata po ua dorëzojnë dollarët e taksave, shërbimet tona publike dhe demokracinë tonë te ultra të pasurit. Nëse nuk luftojmë tani, nuk do të ketë asgjë për të shpëtuar”.

Protestat vijnë pasi tregu i aksioneve ra këtë javë pas shpalljes së tarifave nga Trump më 1 prill. Pavarësisht nga pasojat ekonomike, Trump tha të premten: “Politikat e mia nuk do të ndryshojnë kurrë”.

Shkalla e miratimit për Trump këtë javë ra në 43%, më i ulëti i tij që nga marrja e detyrës, sipas një sondazhi të Reuters.

Pasi Trump u zgjodh për herë të parë në Shtëpinë e Bardhë në vitin 2016, të paktën 470,000 njerëz – tri herë më e madhe se turma në inaugurimin e Trump – iu bashkuan protestës së Marshimit të Grave në Uashington DC dhe miliona të tjerë u mblodhën në mbarë vendin, duke e bërë atë protestën më të madhe njëditore në historinë e SHBA.