Propozohet që hapësira tek Fakulteti Teknik në kryeqytet të mbetet park

Hapësira tek objekti i Fakultetit Teknik në lagjen “Bregu i Diellit” në kryeqytet, në cilën është planifikuar nga Komuna e Prishtinës, që të ndërtohen objekte përcjellëse të këtij fakulteti, është propozuar që të mbetet park.

Propozimi është bërë nga komisioni për zhvillimin e diskutimit publik për planin rregullues të hollësishëm për këtë zonë.

Ky komision propozon gjithashtu që në këtë hapësirë të mbillen drunj të lartë ndërsa objektet e planifikuara që të ndërtohen në hapësirën përballë objektit ekzistues – Fakultetit Teknik.

Propozimi në fjalë pritet t`i dërgohet për shqyrtim Drejtorisë së Planifikimit Strategjik dhe Zhvillim të Qëndrueshëm dhe ekipit hartues të komunës së Prishtinës.

Komisioni është caktuar me vendim të kryetarit të Prishtinës, Shpend Ahmeti.

“Petrol Company” ndihmon më shumë se 200 familje për festën e Fitër Bajramit (VIDEO)

Sponsoruar