Koordinatorja nacionale për zgjedhje nga Prokuroria e Shtetit, Laura Pula ka deklaruar se tanimë sistemi prokurorja është angazhuar në mbrojtjen e votës së lirë të qytetarëve të Kosovës.

Ajo tha se kanë finalizuar thuajse të gjitha dokumentet që janë në shërbim të këtij projekti të mbrojtjes së votës.

“Kemi caktuar 88 prokurorë dhe 40 zyrtarë të sistemit prokurorial të cilët do të jenë gardian të mbrojtjes së votës në ditën e zgjedhjeve. Dhe për të siguruar një efikasitet të mbrojtjes së votë së lirë”, tha ajo.

Tutje Pula shtoi se tanimë policia dhe prokuroria kanë finalizuar dokumentin strategjik për mbrojtje të votës.

“Prokurori i Shtetit bashkë me Policinë e Kosovës do të arrestojë votuesit dhe zyrtarët shtetëror përgjegjës në çfarëdo mënyrë që tentojnë apo ndikojnë në keqpërdorimin e votës së lirë të sovranit të Kosovës”, shtoi ajo.