Janë mbyllur tri ndeshjet e sotme në kuadër të Superligës së Kosovës në futboll.

Kryendeshja e sotme u zhvillua në stadiumin e qytetit në Gjilan mes Dritës dhe Prishtinës, shkruan FrontOnline.

Ndeshja e vlefshme për javën e 30-të në elitën e futbollit vendor i takoi kryeqytetasve me rezultat 1:2.

Endrit Krasniqi (’34) dhe Besnik Krasniqi (’71) shënuan për prishtinasit, kurse Betim Haxhimusa realizoi për vendasit (’21).

Nga ana tjetër, Ballkani e ka mposhtur Gjilanin në ndeshjen e sotme të zhvilluar në Suharekë.

Suharekasit fituan me rezultat 1:0 kundër skuadrës së ish-trajnerit Ismet Munishi.

Mevlan Zeka në minutën e 71-të e shënoi golin e fitores për Ballkanin.

Nga ana tjetër, Llapi e ka mposhtur Trepçën ’89 në ndeshjen e zhvilluar sot në “Zahir Pajaziti”.

Ndeshja në fjalë u mbyll me rezultat 2:1, ku për llapjanët shënuan Ardit Peposhi (’49) dhe Valmir Veliu (’60), kurse për mysafirët shënoi Muharrem Jashari (‘8)./FrontOnline/