Inovatori Elon Musk, në pronësi të së cilit është edhe kompania Starlink, ka njoftuar se tashmë shërbimet e internetit që ofron kompania e tij janë të disponueshme edhe në Kosovë.
“Interneti me shpejtësi të lartë dhe pa ndërprerje, i ofruar nga Starlink tani është i disponueshëm në Kosovë”, ka njoftuar kompania Starlink.
Këtij njoftimi i ka dhënë jehonë edhe vet Elon Musk duke njoftuar për fillimin e shërbimeve të Starlinkut në Kosovë.
Autoritetet në Kosovë njoftuan më 21 tetor se e kanë autorizuar kompaninë amerikane, Starlink, për ofrim të internetit satelitor në Kosovë.
