Ushtruesja e detyrës së Presidentes së Kosovës, Vjosa Osmani ka thënë se vizita e Presidentes e Këshillit Kombëtar Zviceran, Isabelle Moret, është riafirmim i marrëdhënieve mes dy vendeve.
Osmani gjatë konferencës së përbashkët me Moret, tha se u diskutua edhe për dialogun me Serbinë dhe menaxhimin e pandemisë, ku Zvicra do të ndihmojë Kosovën në këtë drejtim.
Presidentja e Këshillit Kombëtar Zviceran Isabelle Moret, tha se Kosova është një ndër vendet me priorite për investime nga Zvicra.
“Jam e nderuar që mirëpritem këtu gjatë kësaj kohe, ju e thatë se Zvicra ka një diasporë nga 180-200 mijë kosovarë që jetojnë në Zvicër dhe ata investojnë në Kosovë, ata marrin pjesë në jetën politike në zvicër. Falë kësaj diasporë Zvicra është e dyta më i madh si investitor në Kosovë. Kosova është për ne një nder vendet prioritare për zhvillim dhe kemi gjysma miliard franga që janë investuar në Kosovë”, tha ajo.
