Presidenti i Shqipërisë, Bajram Begaj i ka dhënë lamtumirën e fundit, Papa Françeskut.

Ai ishte pjesëmarrës në ceremoninë mortore të Papës, në Itali.

E përmes një postimi në Facebook, Begaj tha se Papa pati zgjedhur Shqipërinë si vendin e parë evropian për ta vizituar më 21 shtator 2014, duke ia kujtuar edhe të bëmat tjera.

“Papa që zgjodhi Shqipërinë si vendin e parë evropian për ta vizituar më 21 shtator 2014, shpalli Shenjte Nënë Terezën më 4 shtator 2016, nënshkroi dekretin për lumnimin e 38 martirëve të parë shqiptarë të komunizmit më 5 nëntor të po atij viti, duke shtuar edhe dy të tjerë më 16 nëntor 2024, si dhe ngriti Dioqezën e Prishtinës dhe të Prizrenit”, ka shkruar Begaj në Facebook.