Shefi i stafit të Vjosa Osmanit, Faton Peci, ka njoftuar se ushtruesja e detyrës së Presidentit është duke marr kërcënime kohëve të fundit.

Ai përmes një statusi në rrjetin social “Facebook”,  ka postuar një foto ku një person ka komentuar  Osmanin duke I thënë se “ Trut në tokë ti kisha qitë” duke i’a bashkangjitur edhe një foto të një arme.

E Lidhur me këtë, këshilltari për media i Presidentes, Bekim Kupina, në një përgjigje për FrontOnline, ka thënë se iu takon organeve të rendit të merren me kërcënimet që po i bëhen Osmanit.

“Kërcënimi është bërë në profilin e zyrtar të u.d. Presidentes. Mediat kanë raportuar për të, ndaj i takon organeve të rendit të merren më tej me rastin, sepse është kërcënuar e para e shtetit. Natyrisht ky është vetëm njëri nga kërcënimet. U.d. Presidentja me kërcënime të tilla përballet pothuajse çdo ditë”, thuhet në përgjigjen e tij.

FrontOnline, ka dërguar pyetje edhe në Policinë e Kosovës për t’i pyetur se a kanë filluar hetimet ndaj personit që e kërcënoj Osmanin, por deri në publikimin e këtij teksti nuk kanë kthyer përgjigje.