Porsche 911 Turbo e zezë, e cila u shfaq në filmin e vitit 1995 ‘Bad Boys’, u shit në ankandin e fundit të Kissimmee Mecum për 1.43 milion dollarë.
Është një makinë e drejtuar nga aktori Will Smith dhe vjen me certifikata që konfirmojnë vërtetësinë e saj. Makina është një kopje e modelit 964 Turbo 3.6 të vitit 1994, një klasik i rrallë dhe i kërkuar dhe vlerën e saj e ngre “roli” i saj në film.
Porsche prodhoi këtë variant specifik të modelit në 1993 dhe 1994, dhe vetëm 350 prej tyre mbërritën në Shtetet e Bashkuara. Fuqizohet nga një motor 3.6 litërsh me 6 cilindra turbocharged, i cili zhvillon 355 kuaj fuqi dhe 520 Nm çift rrotullues.
Fuqia transmetohet në rrotat e pasme nëpërmjet një transmetimi manual me pesë shpejtësi. Makina ka kaluar 55355 kilometra dhe eshte ne gjendje sallon. Ka ajër të kondicionuar, radiokasetofon, çati diellore, spoiler të pasëm, brendësi prej lëkure të zezë dhe rrota aliazh Speedline me pesë fole.
Pas një restaurimi të plotë në 2006, 964 Turbo 3.6 fitoi çmime në 2014, 2015, 2016 dhe 2017, dhe për tetë muaj gjatë vitit 2020 u ekspozua në Qendrën e Eksperiencës Porsche në Atlanta.
Madje u shfaq në tapetin e kuq përpara premierës së “Bad Boys for Life” në janar 2020, megjithëse u zëvendësua nga Porsche 911 Carrera 4S (2020)./FrontOnline/
