Patriarku i Kishës Ortodokse Serbe, Porfirije, gjatë bisedimeve me presidentin rus Vladimir Putin, theksoi rëndësinë e mbështetjes së Rusisë për pozitat e Serbisë, veçanërisht në lidhje me Kosovën, Republikën Srpska dhe Malin e Zi. Ai shprehu mirënjohjen për qëndrimin e Rusisë ndaj Kosovës dhe theksoi se populli serb e sheh popullin rus si të vetin.

Porfirije theksoi se ai e beson dhe e ndjen se pozita e Serbisë ndaj Kosovës, si dhe ndaj Republikës Srpska dhe Malit të Zi, është e lidhur ngushtë me pozicionin e shtetit rus, duke theksuar se Rusia ka një rol të rëndësishëm në mbrojtjen e interesave të Serbisë në rajon dhe në botë. “Pozita jonë për Kosovën, Republikën Srpska dhe Malin e Zi, besoj dhe ndjej se varet gjithashtu nga pozita e shtetit rus, Federatës Ruse në nivel global,” tha Patriarku, raporton Vijesti.me.

Ai i bëri thirrje Rusisë që të vazhdojë të mbështesë Serbinë në siç tha ai “mbrojtjen e të drejtave të saj dhe në ruajtjen e integritetit territorial të Kosovës”. “Kosova është një çështje thelbësore për Serbinë, dhe ne shpresojmë që Rusia të vazhdojë të mbetet e angazhuar në mbrojtjen e integritetit territorial të Serbisë,” shtoi Porfirije.

Presidenti rus Vladimir Putin theksoi marrëdhëniet e forta dhe të veçanta midis Rusisë dhe Serbisë, duke nënvizuar lidhjet shpirtërore të thella që lidhin dy kombet. “”Kam thënë tashmë se marrëdhëniet ruso-serbe gjithmonë kanë pasur një karakter të veçantë, dhe kështu janë edhe sot. Kjo, ndër të tjera, sepse jemi të lidhur me rrënjë të thella dhe të forta shpirtërore. Ne gjithmonë jemi të gëzuar t’ju shohim”, tha Putin, raporton Vijesti.me.  /Rtk/