Në orët e hershme të mëngjesit u raportua për bastisje në “Lagjen e Spitalit” në Prishtinë.

Zëdhënësi i policisë Baki Kelani, tha për Front Online se është duke u zhvilluar një operacion kundër krimeve kibernetike, në lokacione të ndryshme.

“Departamenti i Hetimeve përmes Drejtorisë për Hetimin e Krimeve Kibernetike është duke e realizuar një operacion policor, i cili përfshinë disa lokacione të ndryshme, në disa rajone të Kosovës. Operacioni policor është duke u realizuar në bashkëpunim dhe koordinim me organet e drejtësisë. Pas përfundimit të operacionit pritet të bëhen të ditura detajet”, tregoi Kelani.