Rreth orës 10:00, është pranuar një informacion në Policinë e Kosovës lidhur me dyshimet për një shpërthim në një veturë në parkingun e Qendrës Klinike Universitare të Kosovës (QKUK). Lajmi është konfirmuar për FrontOnline nga zëdhënësi i Policisë së Kosovës për rajonin e Prishtinës, Agron Borovci.
Sipas Borovcit, aktualisht nuk raportohet për të lënduar, përveç dëmeve materiale që ka shkaktuar shpërthimi në veturë. Policia ka dalë menjëherë në vendin e ngjarjes, duke angazhuar të gjitha njësitë relevante për të trajtuar dhe hetuar rrethanat që karakterizojnë këtë incident.
”Rreth orës 10:00, është pranuar informata lidhur me dyshimet për një shpërthim në një veturë në parkingun e QKUK-së. Aktualisht nuk raportohet për të lënduar përveç dëmeve materiale. Policia me të gjitha njësitë relevante ka dalë në vendin e ngjarjes dhe po trajton rrethanat që karakterizojnë ngjarjen”, tha Borovci për FrontOnline.
Dyshohet për dëmtim të veturës së drejtorit të QKUK-së, Osman Hajdari
