Një automjet i zjarrfikësve të Vitisë është rrokullisur në Kllokot me ç’rast janë lënduar dy zjarrfikës, rapoton Front Online.
Këtë e ka konfirmuar për Front Online zëdhënësi i policisë së Gjilanit, Ismet Hashani, i cili ka thënë se zjarrfikësit e lënduar janë transportuar në spitalin e Gjilanit dhe janë jashtë rrezikut për jetë.
“Ju njoftojmë se rreth orës 17:10 në Kllokot, në udhëkryqin e rrugës Kllokot me rrugën për Viti, ka ndodhur një vet-aksident rrugor ku është rrokullisur automjeti i zjarrfikësve të Vitisë me ç’rast dy zjarrfikësit kanë pësuar lëndime trupore. Të njëjtit janë transportuar në Emergjencën e Spitalit në Gjilan dhe sipas raportimit mjekësor nuk janë në rrezik për jetë”, ka thënë ai.
