Policia ka dhënë detaje në lidhje me operacionin e djeshëm kundër fajdeve, që u mbajt në Podujevë, Vushtrri e Lipjan.

Në raportin 24 orësh, policia bën me dije se janë arrestuar katër persona, si dhe janë sekuestruar prova të ndryshme materiale, si: armë, fishekë, aparate të lojërave të fatit, DVR me vide incizime 15 telefona dhe nëntë shtëpiza kompjuteri.

Të dyshuarit e vënë nën pranga janë dërguar që të gjithë në mbajtje.

“Gjatë një operacioni policor në dy regjione është bërë kontrolli në shtatë lokacione banimi dhe janë arrestuar kate persona të dyshuar meshkuj kosovarë. Gjatë kontrollit janë sekuestruar dy vetura, tri armë zjarri, 147 fishekë, gjashtë aparate të lojërave të fatit, një DVR video incizime, pesëmbëdhjetë telefona dhe nëntë shtëpiza kompjuteri. Me vendim të prokurorit të dyshuarit janë dërguar në mbajtje”, ka thënë policia në raportin e saj 24 orësh./Front Online