Policia e Kosovës ka gjobitur të enjten në mbrëmje kafiterinë Shade në Prishtinë, aksione në të cilën ka familja e këngëtarit Meda.

Dënimi erdhi, meqë siç merr vesh Front Online, lokali nuk respektoi ligjin e rendit dhe qetësisë publike.

Neni 8 i këtij ligji thotë se kushdo që shkakton zhurmë të pa nevojshme dhe të padurueshme që dëgjohet të banorët për rreth apo në rrugë dhe që shqetësojnë personat tjerë nga ora 22:00 e deri në orën 07:00 gjatë ditëve të javës dhe prej orës 23:00 e deri ne orën 07:00 të shtunave dhe të dielave, dënohet për kundërvajtje.

Kundërvajtjet e parapara të këtij neni kur vërtetohet se janë kryer nga pronari ose personi përgjegjës i një subjekti juridik, ai/ajo dënohet me gjobë prej njëqindepesëdhjetë (150) deri shtatëqind (700) Euro.

Aksionar me letra në lokalin Shade është Hasan Pergjeçaj, babai i Medes. Shade është regjistruar si biznes që nga viti 2019./FrontOnline