Bota/Rajoni

Petkoviq për targat: Kurti i fiksuar pas pushtimit të veriut të Kosovës

Petkoviq për targat: Kurti i fiksuar pas pushtimit të veriut të Kosovës
23:37 | 03 Korrik 2022

Drejtori i Zyrës për Kosovën në Qeverinë e Serbisë, njëkohësisht kreu i ekipit negociator të Beogradit, Petar Petkoviq është shprehur se kryeministri Albin Kurti është i fiksuar pas pushtimit të veriut të Kosovës.

Përmes një postimi në rrjetet sociale, Petkoviq ka reaguar ndaj Kurtit i cili ka thënë se Lëvizja Vetëvendosje ka vendosur rendin dhe ligjin në veri të Kosovës.

“Sa i fiksuar është Albin Kurti me pushtimin e veriut të Kosovës dhe Metohisë, ndaj duhet të bëjë video për t’u bindur për këtë?”, shkruan Petkoviq në Twitter.

Reagimi i Petkoviq vjen pasi qeveria e Kosovës vendosi për regjistrimin e automjeteve me targa RKS për të gjitha automjetet e pajisura me targat “PR”, “KM”, “PZ”, “GL”, “UR”, “PE”, “DA” apo “ĐA”, si dhe vendimin për kalimin e kufirit shtetëror nga qytetarët me dokumente personale të lëshuara nga Serbia.

 

Blini derivate me çmim të lirë dhe hyni në garë për të fituar banesë, iphone 13 e 19 shpërblime tjera

Të tjera